  Ապրիլյան կինոպրեմիերաների հնգյակը«Ջունգլիների գրքից» մինչև «էլվիսն ու Նիքսոնը» Չնայած կինոքննադատների սառը ընդունելությանը, Զաք Սնայդերի «Բեթմենն ընդդեմ Սուպերմենի. Արդարության արշալույսին» բլոկբաստերն ընդամենը 4 օրում գրեթե կես միլիարդ դոլար է վաստակել համաշխարհային մակարդակով: Հսկան շարունակում է իր հաղթական երթը մարտի վերջից` սպառնալիք ներկայացնելով նույնիսկ ապրիլի կինոպրեմիերաների համար: Ուոլթ Դիսնեյի ստուդիան հսկայական հույսեր է կապում «Ջունգլիների գրքի» նոր կինոադապտացիայի հետ, իսկ Universal-ը հուսով է, որ կկարողանա վաստակել «Սպիտակաձյունիկն ու որսորդը» պրիկվելի վրա: Սակայն «Բեթմենն ընդդեմ Սուպերմենի» ֆիլմը կարող է բավականին վնասել այդ պոտենցիալ հիթերի հասույթին:  30 մարտի 2016PanARMENIAN.Net - Ծանոթանալով կինոցանկին` PanARMENIAN.Net –ը ներկայացնում է 5 նորույթ, որոնք ապրիլին կցուցադրվեն Երևանի կինոթատրոններում: «Ջունգլիների գիրքը» (օրիգինալ անվանումը` The Jungle Book) Արկածներ, դրամա, ֆենտեզի, ԱՄՆ, 2016 թ. Ռեժիսոր` Ջոն Ֆավրո Դերերում` Նիլ Սեթի, Բիլլ Մյուրեյ, Բեն Քինգսլի, Քրիսթոֆեր Ուոքեն, Իդրիս Էլբա, Սքարլեթ Յոհանսոն Պրեմիերան Երևանում ապրիլի 7-ին Ուրախ հաստլիկ Ջոն Ֆավրոն մանկական ստեղծագործությունը լարված և հետաքրքրական գործողության վերածելու զարմանալի ունակություն ունի: Պատմությունն այնպես ներկայացնելու ունակությունը, որպեսզի այն հետաքրքիր լինի ցանկացած տարիքի լսարանի համար, անհերքելի առավելություն է այնպիսի բարդ գործում, ինչպիսին դասական դիսնեյական մուլտիֆիլմի կինոադապտացիան է: Որբուկ Մաուգլիի մասին Քիպլինգի անմահ վեպը, որին ջունգլիներում մեծացնում են գայլերը, արջն ու սև հովազը, արդեն նոր հազարամյակի իրողության մեջ վերածնվելու բոլոր շանսերն ունի: Համակարգչային տեխնոլոգիաների բուռն զարգացումը թույլ է տվել անիմացիոն գազաններին գրեթե իրականից չտարբերվող դարձնել, իսկ դեբյուտանտ Նիլ Սեթին Մաուգլիի դերում զարմանալիորեն նման է իր մուլտիպլիկացիոն անալոգին: «Արծիվ» Էդդին» (օրիգինալ անվանումը` Eddie the Eagle) Սպորտային դրամա, կենսագրություն, Մեծ Բրիտանիա, ԱՄՆ, Գերմանիա, 2016 թ. Ռեժիսոր` Դեսթեր Ֆլեթչեր Դերերում` Հյու Ջեքման, Թերոն Էջերթոն, Ջո Հարթլի Պրեմիերան Երևանում ապրիլի 7-ին Երիտասարդ բրիտանացի դերասան Թերոն Էջերթոնը հիանալի իրեն դրսևորեց աղմկահարույց «Kingsman. Գաղտնի ծառայություն» լրտեսական կատակերգությունից հետո: Այդպիսով, դերասանը ցույց տվեց, որ չնայած արտաքինին, նա միտված է բարդ դերերի և մտադիր չէ մասնակցել միայն «երիտասարդական նախագծերին»: «Արծիվ» Էդդին» ֆիլմում Էջերթոնը մարմնավորել է էկրանին լեգենդար բրիտանացի դահուկորդ Մայքլ Էդվարդսին, որը Մեծ Բրիտանիայի առաջին ներկայացուցիչն էր ձմեռային Օլիմպիական խաղերում տրամպլինից թռիչքի մարզաձևում: Չնայած մշտական անհաջողություններին` Էդվարդսի անունը հայտնի դարձավ կյանքի հանդեպ դրական վերաբերմունքի և ամեն անգամ, ձախողումներից անկախ, ոտքի կանգնելու ու առաջ գնալու շնորհիվ: «Սպիտակաձյունիկն ու որսորդը 2» (օրիգինալ անվանումը` The Huntsman: Winter's War) Ֆենտեզի, արկածներ, ԱՄՆ, 2016 թ. Ռեժիսոր` Սեդրիկ Նիկոլյա-Տրոյան Դերերում` Քրիս Հեմսվորթ, Շարլիզ Թերոն, էմիլի Բլանտ, Ջեսիկա Չեսթեյն, Նիկ Ֆրոսթ Պրեմիերան Երևանում ապրիլի 14-ին Ռուպերտ Սանդերսի «Սպիտակաձյունիկն ու որսորդը» (2012 թ.) ֆիլմի ոչ միանշանակ արձագանքները չազդեցին Universal ստուդիայի մտադրությունների վրա: Կինոհսկայի ղեկավարությունը որոշել է ոչ թե սիքվել նկարահանել, այլ ներկայացնել օրիգինալ ֆիլմի նախապատմությունը` հրաժարվելով Սպիտակաձյունիկի կերպարից և կենտրոնանալով որսորդ Էրիկեի (Քրիս Հեմսվորթ) կերպարի վրա: «Սպիտակաձյունիկն ու որսորդը 2» ֆիլմի գործողությունները ծավալվում են շատ ավելի վաղ այն իրադարձություններից, երբ Սպիտակաձյունիկը (Քրիստեն Ստյուարտ) հաղթում է չար թագուհի Ռիվեննային (Շարլիզ Թերոն): Պրիկվելի գլխավոր հերոսուհին` սառցե թագուհի Ֆրեյան (Էմիլի Բլանտ), Ռիվեննայի քույրը, դժբախտ սիրուց կոտրված սրտով փախչում է առանձին հյուսիսային ամրոց քրոջ դավաճանությունից հետո: «Բարձրահարկը» (օրիգինալ անվանումը` High-Rise) Դրամա, ֆանտաստիկա, Մեծ Բրիտանիա, 2016 թ. Ռեժիսոր` Բեն Ուիթլի Դերերում` Թոմ Հիդլսթոն, Ջերեմի Այրոնս, Սիեննա Միլլեր, Լյուկ Էվանս Պրեմիերան Երևանում ապրիլի 14-ին Բրիտանացի գրող Ջեյմս Գրեմ Բալլարդի «Բարձրահարկը» վեպը, չնայած մեծ տարածմանը, երկար ժամանակ համարվում էր ոչ պիտանի էկրանավորման համար բարդ ու խճճված գրական կառուցվածքի պատճառով: Առնվազն, այդպես էին կարծում Հոլիվուդում: Իսկ բրիտանացիներն ի դեմս Բեն Ուիթլիի ի վերջո, խիզախեցին, և ըստ քննադատների, էքսպերիմենտը հաջողվել է: Ուտոպիական հասարակությունը, որն ապրում է խենթ ճարտարապետ Էնթոնի Ռոյալի մեկուսի երկնաքերում ժամանակակից մարդկության կոմպակտ արտացոլումն է` դասակարգային անարդարությամբ, որը հաճախ վերաճում է բացահայտ թշնամանքի: «Էլվիսն ու Նիքսոնը» (օրիգինալ անվանումը` Elvis & Nixon) Պատմական կատակերգություն, ԱՄՆ, 2016 թ. Ռեժիսոր` Լիզա Ջոնսոն Դերերում`Քևին Սփեյսի, Մայքլ Շեննոն, Ալեքս Պետիֆեր, Ջոննի Նոքսվիլ Պրեմիերան Երևանում ապրիլի 21-ին Ռոքն ռոլի արքայի և ԱՄՆ նախագահ Ռիչարդ Նիքսոնի հանդիպման հայտնի պատմության հերթական էկրանավորումն է, որի ընթացքում Փրեսլին խնդրել է նրան թմրանյութերի վերահսկման գաղտնի գործակալ նշանակել: Ամերիկյան պատմության այս դրվագն ինքնին ծիծաղելի է, քանի որ նույնիսկ Նիքսոնի համաձայնությունից հետո այդպես էլ չհաջողվեց ստիպել Փրեսլիին գոնե Սպիտակ տան պահանջները պահպանել: Երկու հակադրությունների` քաղաքականության և արվեստի, ներկայացուցիչների բախումը և երկու մեծ դերասան` Սփեյսիի և Շենոնի, խաղը ֆիլմը պարտադիր են դարձնում դիտման համար: Արման Գասպարյան/ PanARMENIAN.Net  Ամենաընթերցվողը բաժնում Ի՞նչ է պլանավորում անել Netflix-ը՝ բաժանորդներին վերադարձնելու համար «Երեք շիշ գինի»՝ նոր ձևաչափ առանց սահմանների Վանդալիզմի զոհ դարձած արվեստի ամենահայտնի գործերը Dalma Garden Mall-ի ծրագրերն ու շոփինգի մշակույթը    Ուշադրության կենտրոնում Բաժնի այլ նյութերըՁև ու ծավալ ստացած Ազնավուրյան մեղեդին  Բացվել է քանդակագործ Մկրտիչ Մազմանյանի ինտերակտիվ ցուցահանդեսըԱրվեստի աշխարհում ամենաազդեցիկ հայկական ազգանունը Գագոսյանի ճանապարհը՝ հոլիվուդյան ֆիլմի մոտիվներովԴեգան, Սարյանն ու Ուրարտուն Մշակութային յուրացում՝ մեծերի թեթև ձեռքով |  Այլ հոդվածներ Վերջին լուրեր Կոլումբիան խզում է հարաբերություններն Իսրայելի հետ Գազայի հատվածի շրջափակումը այդ երկրի նախագահը «ցեղասպանություն» է անվանելՀՀ և Ուկրաինայի ԱԳ նախարարները հեռախոսազրույցում անդրադարձել են տարածաշրջանային հարցերի Միրզոյանն ընդգծել է սահմանազատման գործընթացում տարածքային ամբողջականության սկզբունքի անվերապահ հարգման կարևորությունըԳԹԿ. Դիմորդները դուրս կմնան մրցույթից, եթե չհայտագրվեն ու չընտրեն բուհ և մասնագիտություն Հունվար-փետրվարին քննություն հանձնած 8000–ից ավելի շրջանավարտներից 6000-ը դեռ հայտագրում չի կատարել |
