Ինչ դիտել հուլիսինՀերթական «Սառցե դարաշրջանն» ու «Աստղային ուղի 3»-ը Չնայած հուլիսն ավանդաբար համարվում է մեծ բլոկբասթերների ժամանակաշրջան, այս տարի ակնկալիքները մեծ չեն: «Ուրվականներ որսացողների» շարունակությունն ընդհանրապես չի կարելի որպես կինո ընկալել, դատելով բազմաթիվ նյութերից, իսկ միայն «Սթարթրեքով» ամիսը բլոկբասթերներով հարուստ չես համարի: Թեև, մյուս կողմից, ընտրության աղքատիկ հնարավորությունն, անշուշտ, 2016-ի հուլիսը դեռ անօգուտ չի դարձնում կինոսերների համար: 30 հունիսի 2016 PanARMENIAN.Net - Ծանոթանալով կինոցանկին` PanARMENIAN.Net ը 5 նորույթ է ներկայացնում, որոնք կարելի է դիտել հուլիսին Երևանի կինոթատրոններում: «Հանճարը» (օրիգ. անվանումը` Genius) Դրամա, կենսագրություն, Մեծ Բրիտանիա, ԱՄՆ, 2016 թ. Ռեժիսոր` Մայքլ Գրանդաջ Դերերում` Նիքոլ Քիդման, Վանեսսա Քիրբի, Ջուդ Լոու, Գայ Պիրս, Լորա Լիննի, Քոլին Ֆերտ Պրեմիերան Երևանում հուլիսի 7-ին
Ոչ, սա Թեոդոր Դրայզերի վիպաշարի էկրանավորումը չէ: Դերասան Մայքլ Գրանդաջի դեբյուտային նախագիծը պատմում է երկու շատ տաղանդավոր մարդկանց` գրող Թոմաս Վուլֆի և աշխարհի համար մեծ վիպասաններ Ֆիցջերալդին և Էռնեստ Հեմինգուեյին բացահայտած հրատարակիչ Մաքս Փերքինսիբարդ ընկերության մասին: Դերասանական հիանալի աշխատանքների մի ամբողջ հավաքածուն, նրբաճաշակ դրամատուրգիան և լավ ռեժիսուրան թույլ են տալիս հանդիսատեսին բացահայտել մեծ ու մի քիչ խենթ ստեղծագործողների աներևակայելի աշխարհը: «Ծանծաղուտ» (օրիգ. անվանումը` The Shallows) Սարսափ, թրիլեր, դրամա, ԱՄՆ, 2016 թ. Ռեժիսոր` Հաումե Կոլյետ Սերա Դերերում` Բլեյք Լայվլի, Օսկար Հաենադա, Բրետ Քալեն, Սեդոնա Լեջե Պրեմիերան Երևանում հուլիսի 7-ին
Կամերային սարսափի հեռանկարային ժանրը, որը պահանջում է առաջին հերթին, մեծ դերասանական վարպետություն (ժանրը նաև «մեկ դերակատարի սարսափ» են անվանում), կարող է վերադառնալ կամ հաղթանակած, կամ կձախողվի: Իսպանացի Հաումե Կոլյետ Սերան, որն աղմուկ հանած «Խավարի մանուկը» թրիլերի հեղինակն է, որոշել է հետևել մեծն Սփիլբերգի օրինակին և ֆիլմ ստեղծել մարդկային ինտելեկտի և ամենաարյունարբու գիշատիչներից մեկի` մեծ սպիտակ շնաձկան պայքարի մասին: Արյան ծովերն ու սասփենսի հարվածային չափաբաժիններն ապահովված են: «Սառցե դարաշրջանն. Բախումն անխուսափելի է» (օրիգ. անվանումը` Ice Age: Collision Course) Համակարգչային անիմացիա, ԱՄՆ, 2016 թ. Ռեժիսորներ` Մայք Թյորմայեր, Գալեն Տ. Չու Դերերում` Ռեյ Ռոմանո, Ջոն Լեգուիզամո, Դենիս Լիրի, Քուին Լատիֆա Պրեմիերան Երևանում հուլիսի 14-ին
Ամենափոքր կինոդիտողների համար սա սառցե դարաշրջանի կենդանիների մասին պատմող արդեն մի փոքր ձանձրալի դարձած ֆիլմաշարի 5-րդ մասն է: Որպես միանգամայն լուրջ, շեքսպիրյան կրքերով անիմացիոն դրամա մեկնարկած «Սառցե դարաշրջանը» շատ արագ վերածվեց անհոգի հոսքագծի, որը պարբերաբար ներկայացնում է տպավորիչ հատուկ էֆեկտներով հերթական «փուչիկը»: Այս անգամ պոպոքը որսալու Սկրատի ձգտումը բերում է նրան բաց տիեզերք, որտեղ նա Արեգակնային համակարգ է ստեղծում: Նրա գործողությունների հետևանքով Երկրին երկնաքար է մոտենում: Մեննին, Սիդը, Դիեգոն և հոտի մյուս մասը պետք է լքեն տներն ու նոր տան որոնումներ սկսեն: «Սթարթրեկ. Անվերջություն» (օրիգ. անվանումը` Star Trek Beyond) Գիտական ֆանտաստիկա, արկածներ, մարտաֆիլմ, ԱՄՆ, 2016թ. Ռեժիսոր` Ջասթին Լին Դերերում` Քրիս Փայն, Զաքարի Քուինտո, Զոի Սալդանա, Իդրիս Էլբա, Անտոն Ելչին Պրեմիերան Երևանում հուլիսի 21-ին
Ամռան գլխավոր բլոկբասթերի ուղին մթագնեց տաղանդավոր երիտասարդ դերասան Անտոն Ելչինի ողբերգական մահը, որը կատարում է օդաչու-նավիգատոր Պավել Չեխովի դերը: 190-միլիոնանոց հսկան այս անգամ վստահվել է «Ֆորսաժների» անփոփոխ հեղինակ Ջասթին Լինին (Ջեյ Ջեյ Աբրամսը տեղափոխվել է մրցակից ֆիլմաշար): Որոշվել էր ստեղծել մի ֆիլմ, որը մոտ կլինի կանոնին` «էնթերփրայզի» անձնակազմը կդեգերի տիեզերքում` որոնելով կյանքի նոր ձևեր, և, անշուշտ, նոր սպառնալիքների հանդիպելով: «Նեոնային հրեշը» (օրիգ. անվանումը` The Neon Demon) Սարսափ, թրիլեր, դրամա, Ֆրանսիա, Դանիա, ԱՄՆ, 2016 թ. Ռեժիսոր` Նիկոլաս Վինդինգ Ռեֆի Դերերում` Էլ Ֆաննինգ, Կառլ Գլուսման, Ջենա Մելոուն, Բելլա Հիթքոթ, Էբբի Լի Պրեմիերան Երևանում հուլիսի 28-ին
Դանիացի Նիկոլաս Վինդինգ Ռեֆին բավականին ինքնատիպ կերպար է, որին հատուկ են վայրիվերումները: Միանգամայն հիասքանչ «Դրայվի» հետ մեկտեղ նա նաև անհամ ու անհասկանալի «Միայն աստված կների» դրամայի հեղինակն է: Սակայն, նրա բոլոր գործերին հատուկ է խորը փիլիսոփայականությունն ու նուրբ ճաշակը: Երբ սկսնակ մոդել Ջեսսին տեղափոխվում է Լոս Անջելես, նա հայտնվում է գեղեցկությամբ մոլի տարված մի խումբ աղջիկների տեսադաշտում, որոնք պատրաստ են ամեն ինչի Ջեսիի երիտասարդությունն ու կենսական ուժը ստանալու համար: Արման Գասպարյան/ PanARMENIAN.Net Ամենաընթերցվողը բաժնում Ի՞նչ է պլանավորում անել Netflix-ը՝ բաժանորդներին վերադարձնելու համար «Երեք շիշ գինի»՝ նոր ձևաչափ առանց սահմանների Վանդալիզմի զոհ դարձած արվեստի ամենահայտնի գործերը Dalma Garden Mall-ի ծրագրերն ու շոփինգի մշակույթը Բաժնի այլ նյութերը Ձև ու ծավալ ստացած Ազնավուրյան մեղեդին Բացվել է քանդակագործ Մկրտիչ Մազմանյանի ինտերակտիվ ցուցահանդեսը Արվեստի աշխարհում ամենաազդեցիկ հայկական ազգանունը Գագոսյանի ճանապարհը՝ հոլիվուդյան ֆիլմի մոտիվներով Դեգան, Սարյանն ու Ուրարտուն Մշակութային յուրացում՝ մեծերի թեթև ձեռքով | Քննչական կոմիտեի փորձաքրեագիտական կենտրոն կստեղծվի ՊՈԱԿ-ն ունենալու է նաև տարածքային ստորաբաժանումներ ՀՀ մարզերում, ընդհանուրը՝ 90 հաստիքային միավոր Առողջապահության նախարարին պաշտոնից ազատելու լուրերը հերքվել են Ավելի վաղ խուզարկություններ են իրականացվել առողջապահության նախարարությունում և բուժհաստատություններից մեկում ՔՊ–ականը՝ ընդդիմադիրներին․ Ընկել եք Տավուշի հետևից, ռուս խաղաղապահների համար տեղակայման վա՞յր եք փնտրում «Դուք դրան եք լծված հիմա»,– ասել է նա Ընդդիմադիր պատգամավորները դեսպաններին փակ հանդիպման կհրավիրեն «Նպատակն է ճշտել, թե ի՞նչ պատկերացում ունեն այդ երկրները Հայաստանում ստեղվծած իրավիճակի վերաբերյալ»,- նշել է Աբրահամյանը |