Հայոց ցեղասպանությունը, Հաղթանակի օրը և գլոբալիզացիայի խնդիրներն ու դրանց արտացոլումը Հայաստանի մշակութային կյանքում

PanARMENIAN.Net - Բայց արդեն շաբաթվա կեսին այլ իրադարձություններ սկսեցին գրավել մարդկանց ուշադրությունը, որոնք հետևում են Հայաստանի մշակութային կյանքին: Ապրիլի 30-ին Երևանի Կոմիտասի անվան կամերային երաժշտության տանը տեղի ունեցավ «XX դարի և համաշխարհային ժամանակակից դաշնամուրային երաժշտության համերգաշարը»: Համերգի կազմակերպիչներն են Հայաստանում Ֆրանսիայի դեսպանատունը և ՀՀ մշակույթի նախարարությունը: Ստեղծագործությունները հնչել են Հայկ Մելիքյանի կատարմամբ

Իսկ երիտասարդ տաղանդները կարողացան իրենց ունակությունները դրսևորել Ավետ Գաբրիելյանի և Սարգիս Ասլամազյանի անվան պատանի ջութակահարների և թավջութակահարների 8-րդ հանրապետական մրցույթում, 23 կատարողներ Երևանից և Հայաստանի մարզերից երկու տարիքային կարգերում (մինչև 12 տարեկան և 14-16 տարեկան) ջանում էին դուր գալ ժյուրիին, որը գլխավորում էր Կոմտիասի անվան քառյակի առաջին ջութակ Էդուարդ Թադևոսյանը: Հաղթողները ստացել են արժեքավոր իրեր և դրամական պարգևներ:

Գեղանկարչության սիրահարներին ուրախացրեց ապրիլի 27-ին նկարիչ Հարություն Կալենցի 100-ամյակի կապակցությամբ բացված թանգարանը, որի բացումը նկարչի հոբելյանին նվիրված միջոցառումներից էր: Օգոստոսի 7-ին տեղի է ունենալու ցուցահանդես Հայաստանի Ազգային պատկերասրահում: Իսկ թանգարանը նկարչի որդի Սարո Կալենցի խոսքերով տարվա ընթացքում կներկայացնի Հարություն Կալենցի արվեստի տարբեր շրջանների աշխատանքները: «Երկհարկանի բնակարանում շատ հարմար է ներկայացնել նկարչի աշխատանքները: Թանգարանի ցուցադրությունը կազմված է Հարություն Կալենցի 400 աշխատանքներից: Առաջին հարկում այցելուները կարող են դիտել Հարություն Կալենցի, իսկ երկրորդ հարկում նրա կնոջ` Արմինե Կալենցի աշխատանքները»,- ասել է «Կալենց» մշակութային հիմնադրամի նախագահ, Հարություն Կալենցի թանգարանի տնօրեն Լարիսա Կատասանովան:

Գլոբալիզացիայի ժամանակակից խնդիրներն իր աշխատանքներում ներկայացրել է Ռուսաստանի Գրողների միության անդամ Լևոն Հովսեփյանը: Ցուցահանդեսի այցելուները հնարավորություն կստանան տեսնելու հրատարակիչ, խմբագիր Լևոն Հովսեփյանի ժամանակակից թեմաներով արված լուսանկարները, ժամանակակից գլոբալ խնդիրների դրսևորումները նրա աչքերով:

Եվս մեկ թեմա շրջանառության մեջ է մտել անցյալ շաբաթ: Դա կապված է Հայրենական մեծ պատերազմի հաղթանակի 65-ամյակի հետ: Մարտիրոս Սարյանի երևանյան տուն-թանգարանում մայիսի 3-ին բացվել է «Մարտիրոս Սարյանը Հայրենական մեծ պատերազմի տարիներին» խորագրով ցուցահանդեսը: Կազմակերպիչները ցուցահանդեսը նվիրել են Հայրենական մեծ պատերազմում տարած հաղթանակի 65-ամյակին:

Թանգարանների և գիշերային կյանքի բոլոր սիրահարների համար մեծ անակնկալ է սպասվում մայիսի 18-ին: Այդ օրը բազմաթիվ երկրների թանգարաններ բացում են դռները այցելուների առջև` հնարավորություն տալով անվճար մեկ գիշերվա ընթացքում մի քանի թանգարան այցելել: Նախաձեռնության նպատակը հասարակության ուշադրությունը դեպի թանգարանները հրավիրելն է և բարձր արվեստով երիտասարդներին հետաքրքրելը: Թանգարանների եվրոպական գիշեր – 2010 անցկացվում է Եվրոպայի խորհրդի և ՅՈՒՆԵՍԿՕ-ի հովանու ներքո: 1999թ. Ֆրանսիայի մշակույթի նախարարությունը հանդես է գալիս թանգարանները գարնանային որևէ կիրակի իրենց դռներն հասարակության առջև անվճար բացելու նախաձեռնությամբ: 2001 թվականից Ֆրանսիայի թանգարաններին միացան Եվրոպական մշակութային կոնվենցիան ստորագրած 39 երկրներ: