Նյութի վրա աշխատելիս երկար, չափից ավելի երկար մտածել ու այդպես էլ վերջնական չենք հասկացել` ինչպես անդրադառնալ թեմային՝ խուսափելով մեզ համար եղկելի «ղարաբաղցի-հայաստանցի» հակադարձումից: Այդպես էլ չկարողանալով կողմնորոշվել` որոշեցինք պարզապես շարադրել մեր մտքերը վերջաբանում:

Ժամանակակից աշխարհում գնալով ավելի ու ավելի դժվար է դառնում մարդկանց ինչ-որ բանով զարմացնելը: Այնուամենայնիվ, դա անհնարին չէ: Որքան շատ են զարգանում տեխնոլոգիաները, այնքան շատանում են հետաքրքիր բացահայտումները, որոնց վրա կենտրոնանում է հասարակության ուշադրությունը:

Մարտի 9-ին տեղի կունենա դիջեյների միջազգային օրվան նվիրված միջոցառում, որը հավակնում է դառնալ 2018-ի՝ էլեկտրոնային երաժշտությանը նվիրված լավագույն նմանատիպ իվենթը: Այն համատեղ կազմակերպում են Kitchen Recordings ընկերությունը և DJ-ների հայկական ասոցիացիան՝ Ballantine’s ընկերության հովանավորությամբ:

2016 թվականին՝ ապրիլյան պատերազմից հետո, Հայաստանի սահմանամերձ բնակավայրերում անվտանգությունն ամրապնդելու, մշակութային և տնտեսական կյանքն այստեղ ակտիվացնելու մտադրությունը մի խումբ անձանց միավորեց հիմնադրամ ստեղծելու գաղափարի շուրջ: «Պահապան» զարգացման հիմնադրամը սոցիալական ձեռներեցության մի շարք ծրագրերով սկսեց իր գործունեությունը Հայաստանի ամենախոցելի՝ Տավուշի մարզում: Հիմնադրամի գործադիր տնօրեն Ինգա Հարությանը PanARMENIAN.Net ին պատմեց այդ ծրագրերի մասին:

ՀՀ կառավարությունը հունվարի 25-ին հանրային քննարկման է ներկայացրել հասարակական վայրերում ծխելը սահմանափակող օրենքի նախագիծը, որը բարձր տուգանքներ է սահմանում հանրային սննդի օբյեկտներում, հյուրանոցներում, մեքենաներում, բուժհաստատություններում, մշակութային ժամանցի և օրենքով արգելված այլ վայրերում ծխելու համար: Մասնավորապես, հանրային վայրերում ծխելու համար տուգանքը կարող է կազմել 250 հազար դրամ, ծխել արգելող նշանը չկախելու համար՝ 100 հազար դրամ։

Սոչիից Հայաստան տեղափոխված ամուսիններ Արմեն Կազարյանի ու Սիրանուշ Վարդանյանի ստեղծած «ԱՐՔ» ՀԿ-ն 2015-ին Կապանում էկոճամբար է հիմնում: Աշխարհի տարբեր երկրներից էկոտուրիզմի սիրահարների՝ հեծանվորդների, լեռնագնացների, արշավականների շրջանում ճամբարը բարձր պահանջարկ է վայելում: Ամուսինները որոշում են այն վերածել սոցիալական ձեռնարկատիրության և, ներգրավելով համայնքի բնակչներին զբոսաշրջության շուկա, զարգացնել Հայաստանի հարավային համայնքները:

Հայաստանում արդեն 3 ամիս է՝ գործում է փախլավայի մասնագիտացված խանութ-սրահ: Այստեղ էկոլոգիապես մաքուր հումքից պատրաստված համեղ քաղցրավենիքի վաճառքից ստացված շահույթի մի մասն ուղղվելու է հաշմանդամություն ունեցող անձանց խնդիրների լուծմանը: Խանութ-սրահի հիմնադիր Լյոլյա Բադեյանը PanARMENIAN.Net ի հետ զրույցում պատմեց Հայաստանում սոցիալական ձեռներեցությամբ զբաղվելու դժվարությունների և կարևորության մասին:

Խոզերի աֆրիկյան ժանտախտի առաջին խոշոր բռնկումը Հայաստանում տեղի ունեցավ 2007թ-ին։ Համաճարակի մեկ տարվա ընթացքում խոզերի գլխաքանակը երկրում կրճատվեց մոտ 50%-ով, ինչը զգալի վնաս էր գյուղացիական տնտեսությունների համար։ Պարբերաբար համաճարակներ բռնկվում են նաև հիմա, ու չնայած պաշտոնապես 2011թ-ից հետո Հայաստանում համաճարակ չկա, յուրաքանչյուր տարի կենդանիների անկումներ գրանցվում են։

2017-ը իրադարձություններով հարուստ տարի էր և, ինչը բնական է, այդ իրադարձությունները բուռն արձագանք էին գտնում ոչ միայն հասարակության, այլև հայ պաշտոնյաների, պետական այրերի և այլ՝ հասարակական կարծիք ձևավորող անհատների շրջանում:

2001-2017 թվականներին, պաշտոնական վիճակագրության համաձայն, Հայաստանի բնակչությունը նվազել է 7%-ով՝ մոտ 3,2 մլն-ից հասնելով մինչև 2,98 մլն-ի։ Այսինքն, ամեն տարի ՀՀ բնակչությունը նվազել է միջինը 0,46%-ով։