Աշուն 2014. Սպասվող հայկական իրադարձություններըՀայաստանում ու դրանից դուրս մեր երկրին առնչվող ամենասպասված ու հետաքրքիր աշնանային իրադարձությունները Սարգսյան-Ալիև հանդիպումը, ԵՏՄ-ին Հայաստանի անդամակցումը, Երևանում Carrefour-ի բացումը, 12-ամյա կրթությանն անցումը, շրջանառության հարկը, Մաքսիմ Գալկինի համերգը, Արթուր Աբրահամի մենամարտն ու ոչ միայն: Այս բոլոր իրադարձություններն իրար կապող մեկ հանգամանք կա՝ աշունն է: PanARMENIAN.Net-ը հավաքել է Հայաստանում ու դրանից դուրս մեր երկրին առնչվող ամենասպասված ու հետաքրքիր աշնանային իրադարձությունները: 1 սեպտեմբերի 2014 PanARMENIAN.Net - Հայաստան և աշխարհ
Սեպտեմբերի 18-ին Հռոմում նախատեսված է բացել «Արևելքի առակ. Քրիստոնեությունը նոր հազարամյակի մարտահրավերների առջև» խորագրով լուսանկարների ցուցահանդեսը, որը նախաձեռնել ու հովանավորում է Սուրբ Աթոռում Հայաստանի դեսպանությունը:
Հնարավոր է՝ Ուելսում` ՆԱՏՕ-ի գագաթնաժողովի շրջանակում (սեպտեմբերի 4-5) և ՄԱԿ-ի գլխավոր վեհաժողովում Նյու Յորքում (մեկնարկում է սեպտեմբերի 22-ին) կկայանա Հայաստանի ու Ադրբեջանի նախագահներ Սերժ Սարգսյանի ու Իլհամ Ալիևի հանդիպումը:
Սեպտեմբերի 29-ին մեկնարկում է ԵԽԽՎ աշնանային նստաշրջանը: Հայկական պատվիրակությունը բարձրաձայնելու է Բաքվում Չինարի գյուղի բնակիչ Կարեն Պետրոսյանի մահվան հարցը, ինչպես նաև կխոսվի այն հանգամանքի մասին, որ միջազգային իրավապաշտպան կազմակերպություններն այդ փաստին չեն արձագանքել:
Հոկտեմբերի 1-3-ը Մոնքթոնի համալսարանում (Նյու Բրունսվիկ, Կանադա) Հայոց ցեղասպանության 100-ամյակին նվիրված «Հայոց ցեղասպանության ներկայացումն ու մասսայական սպանությունները» խորագրով միջազգային գիտաժողով կանցնի: Դրա նպատակն է ամփոփել Ցեղասպանության ու XIX-XX դարերին մարդկության դեմ մասսայական հանցագործությունների վերաբերյալ գիտական հետազոտությունները:
Հոկտեմբերի 10-ին Մինսկում բանակցություններ կանցնեն, որոնց ընթացքում պլանավորում են քննարկել Եվրասիական տնտեսական միությանը Հայաստանի ու Ղրղրզստանի անդամակցության հարցը:
Նոյեմբերին Թեհրանում կբացվի Հայոց ցեղասպանության թանգարանի ժամանակավոր ցուցադրությունը, որը հետագայում կներկայացվի նաև աշխարհի տարբեր երկրներում:
Աշնանն ԱՄՆ-ում հանրային ցուցադրման կդրվի Հայ որբերի գորգը, որը պահվում է Ստիպակ տանը: Այն 1925-ին նվիրել էին նախագահ Քալվին Քուլիջին՝ որպես շնորհակալական նշան Հայոց ցեղասպանության տարիներին ցուցաբերած օգնության համար: Գորգը 10 ամսվա ընթացքում գործել են հայ որբերը, այն 4,404,206 հանգույց ունի: Քաղաքականություն
Ըստ նախնական պայմանավորվածության, ՌԴ վարչապետԴմիտրի Մեդվեդևը Երևան կայցելի՝ մասնակցելու սեպտեմբերի 8-9-ը նախատեսված Եվրասիական տնտեսական միության բարձրագույն տնտեսական խորհրդի արտագնա նիստին:
Սեպտեմբերի 15-ին վարչապետ Հովիկ Աբրահամյանը կմեկնի Իրան:
Սեպտեմբերի 21-ին Կոտայքի մարզի Քասախ համայնքում ավագանու անդամի արտահերթ ընտրություն կանցնի, իսկ հոկտեմբերի 19-ին ՏԻՄ ընտրություններ կանցկացվեն Արագածոտնի, Արարատի, Արմավիրի, Գեղարքունիքի, Լոռու, Կոտայքի, Շիրակի ու Վայոց ձորի մարզերի համայնքներում: Հասարակություն
Սեպտեմբերին մեկնարկող Ազգային ժողովի աշնանային նստաշրջանում կքննարկվեն հասարարակական հնչեղություն ստացած օրինագծեր. դրանցից մեկը պարտադիր 12-ամյա կրթության անցնելու մասին է: Դրանով Հայաստանի յուրաքանչյուր քաղաքացի հիմնական դպրոցի 9-րդ դասարանն ավարտելուց հետո պարտավոր է լինելու կրթությունը շարունակել ավագ կամ նախնական դպրոցում, կամ էլ միջին մասնագիտական ուսումնական հաստատությունում: Այդպիսով կբարձրանա հասարակության կրթական ցենզը՝ միաժամանակ լուծելով սոցիալական խնդիր: Մասնագիտական կրթությունը լինելու է անվճար:
Խորհրդարանում նաև կքննարկվի արդեն իսկ շրջանառության մեջ դրված սահմանապահ 30 համայնքի գործարարներին հարկերից ազատելու, այդ գյուղերի բնակիչներին որոշ առավելություններ տալու մասին օրենքի նախագիծը: ՀՀ կառավարությունում կարծում են՝ ամեն ինչ պետք է անել, որպեսզի գյուղացիները չլքեն բնակավայրերն ու աշխատանք ունենան:
Հոկտեմբերի 1-ից դեղերը, վիտամիններն ու պատվաստանյութերը կթանկանան, քանի որ այդ օրվանից պետք է պարտադիր դրոշմավորում անցնեն: Դա արվում է Ազգային ժողովի ավելի վաղ ընդունած «Առևտրի և ծառայությունների մասին» օրենքում լրացումների համաձայն:
Հոկտեմբերի 15-ը սահմանված է որպես Հայաստանումսահմանադրական բարեփոխումների քննարկման վերջնաժամկետ: Նոր Սահմանադրությամբ կառավարման խորհրդարանական մոդելին անցում է նախատեսվում:
Հոկտեմբերի կեսերին կավարտվեն Հյուսիսային պողոտայի բարեկարգման հիմնական աշխատանքները: Արդյունքում բետոնե ծածկը կփոխարինվի գրանիտե բազմագույն սալաքարերով: Ստորգետնյա հարկերից մեկը ծառայելու է որպես ավտոկայանատեղի, իսկ երկրորդ հարկի մի մասում «Տաշիր Գրուպ»-ի առևտրային, սպասարկման տարածքներն են լինելու: Մշակույթ
Սեպտեմբերի 4-ին Հրաչ Քեշիշյանի «Մեր սրտի տնակը» ֆիլմի պրեմիերան է, որում նկարահանվել են Արմեն Ջիգարխանյանը, Ալեքսանդր Խաչատրյանը, Խորեն Լևոնյանը, Եկատերինա Ստրիժենովան, Մարիա Սյոմկինան և այլք։
Սեպտեմբերի 12-ին կմեկնարկի Երևանյան 8-րդ միջազգային երաժշտական փառատոնը, որը կփակվի հոկտեմբերի 28-ին: Փառատոնի շրջանակում ելույթ կունենան դաշնակահար Էշլի Վոսը, ջութակահար Բորիս Բրովցինը, դաշնակահար Կիրիլ Գերշտեյնը, դիրիժոր Պիետրո Ռիցցոն, դաշնակահար Ֆրանսուա-Ֆրեդերիկ Գին, թավջութակահար Ալեքսանդր Չաուշյանը, ջութակահար Աննա Տիֆուն ու դիրիժոր Էդեր Պաոլոցին:
Սեպտեմբերի 26-ից Երևանում մեկնարկում են Վրաստանի մշակույթի օրերը, որոնք կավարտվեն հոկտեմբերի 12-ին: Այդ ընթացքում սեպտեմբերի 26-ին Օպերային թատրոնում ելույթ կունենա Վրաստանի «Սուխիշվիլի» ազգային պարի համույթը, ամսի 27-28-ին՝ Սունդուկյանի անվան թատրոնում կներկայացվի Թբիլիսիի «Ֆաբրիկա» թատրոնի «Մարիա Կալաս» ներկայացումը: Հոկտեմբերի 11-12-ին նույն բեմում Թբիլիսիի Ա.Գրիբոյեդովի անվան ռուսական դրամատիկական թատրոնը կբեմադրի «Խոլստոմեր» ներկայացումը:
Սեպտեմբերի 27-28-ին կանցնեն Եվրոպական ժառանգության օրերը, որոնց այս տարվա խորագիրն է «Հետադարձ հայացք՝ 100 տարի անց»: Թեմայի շրջանակում մի շարք համերգներ ու ցուցահանդեսներ կանցկացվեն, որոնցից հիմնականը Երևանի մետրոպոլիտենում կազմակերպվելիք ցուցադրությունն է: Նաև հանրության համար բաց կլինեն մի շարք պատմական հուշարձան-շենքեր: Հայոց ցեղասպանության 100-ամյակին ընդառաջ թեմային առնչվող նյութերի հավաքագրում կսկսվի:
Սեպտեմբերի 28-ին օպերայում կանցնի «Գոլոս» նախագծի երկրորդ սեզոնի մասնակից Անդրեյ Դավիդյանի ու Sound Cake band-ի համերգը: Դավիդյանը մոսկովյան ռոք-շարժման առաջին ալիքի մասնակիցներից է: 1993-ից Sound Cake-ի լիդերն է:
Նոյեմբերի 11-ին Արամ Խաչատրյան համերգասրահում ռուս երգիծաբանՄաքսիմ Գալկինի համերգն է, որի ընթացքում նախատեսված են նաև նմանակման ու նոր երգերի պրեմիերաներ, ինչպես նաև հումորային համարներ:
Նոյեմբերի վերջին-դեկտեմբերի սկզբին մեծ էկրան կբարձրանա Ղազարոս Աղայանի հեքիաթի հիման վրա նկարահանված «Անահիտ» լիամետրաժ մուլտֆիլմը: Նկարահանման աշխատանքները «Ռոբերտ Սահակյանց փրոդաքշն»-ը սկսել էր դեռ 2010-ին` մշակույթի նախարարության պատվերով ու ֆինանսավորմամբ: Տնտեսություն
Հոկտեմբերի 1-ից Հայաստանում առևտրային գործունեություն իրականացնող ՓՄՁ-ների և ընտանեկան ձեռնարկատիրության համար շրջանառության հարկը 3,5%-ից կնվազի մինչև 1%:
Հոկտեմբերի 11-ից 31-ը Հայաստանում առաջին անգամ գյուղատնտեսական հաշվառում կանցկացվի, ինչը կնպաստի վիճակագրության բարելավմանը, կձևավորվի տվյալների միասնական համակարգ, կբացահայտի ենթակառուցվածքային փոփոխությունների միտումները:
Հոկտեմբերի երկրորդ կեսին նախատեսված է ամբողջությամբ ավարտել Հայաստանի համար պետական նշանակության «Հյուսիս-հարավ» ճանապարհի կառուցման Տրանշ 1-ի` Երևան-Արտաշատ ճանապարհահատվածում բետոնապատման աշխատանքները:
Հոկտեմբերին նախատեսվում է ավարտել Հայաստանի ամենախոշոր սպանդանոցներից մեկի կառուցման աշխատանքները, որը նախատեսված է խոշոր և մանր եղջերավոր կենդանիների մորթի համար: Արտադրական հզորությունը՝ 1000 գլուխ ոչխարի և 300 գլուխ տավարի մորթ` մեկ հերթափոխում:
Հոկտեմբերին Yerevan Mall-ում նախատեսվում է Հայաստանում ֆրանսիական Carrefour ընկերության առաջին հիպերմարկետի բացումը: Ցանցն իր ապրանքն ինքն է ներկրում, ինչն մրցակցային առավելություն է տալիս: Դեռևս 2012-ի վերջին ընկերությունը Հայաստանում աշխատատեղերի մրցույթ էր հայտարարել և իր ապագա առևտրի կենտրոնի համար աշխատակազմ էր հավաքագրում: Սպորտ
Սեպտեմբերի 27-ին գերմանական Քիլ քաղաքում սպասվում է պրոֆեսիոնալ բռնցքամարտի միջին քաշային կարգում WBO վարկածով աշխարհի չեմպիոն Արթուր Աբրահամի ու հավակնորդ Պոլ Սմիթի մենամարտը:
Իսպանական Բիլբաո քաղաքում սեպտեմբերի 13-ից 21-ը կանցկացվի շախմատի Եվրագավաթի խաղարկությունը: Մեր երկիրը կներկայացնեն Հայաստանի շախմատի ակումբային 9-րդ առաջնությունում 1-ին ու 2-րդ տեղերը գրաված թիմերը՝ «Փյունիկ»-ն ու ԲԿՄԱ-ն:
2016-ի Եվրոպայի առաջնության ընտրական փուլի շրջանակում Հայաստանի ֆուտբոլի հավաքականը երեք հանդիպում կանցկացնի` սեպտեմբերի 7-ին՝ Դանիայի, հոկտեմբերի 11-ին՝ Սերբիայի, նոյեմբերի 14-ին՝ Պորտուգալիայի ընտրանիների հետ: Սերբիայի հետ կխաղան Երևանում, մյուս երկու խաղն արտագնա են: Photos by PAN Photo Agency, AFP Ամենաընթերցվողը բաժնում Ինչպես միանալ ոլորտի առաջատար միջազգային ընկերությանը Ինչպես է աշխարհը լուծում օրգանների փոխպատվաստման խնդիրը Արևմուտքի սանկցիաները խփում են նաև ռուսական դեղարտադրությանը Մարտի 8-ին՝ սթափության լրացուցիչ չափաբաժին Բաժնի այլ նյութերը Հեպատիտի նոր ենթատեսակը տարածվում է երեխաների շրջանում Ինչ է այն ու ինչպես պայքարել` հայտնի չէ Հայրենիքը՝ հեծանիվի դիմաց Ինչ արժե պետությանը դավաճանելը Յոթ որդու Բավական քույրը Տարեկան քանի՞ աղջիկ չի ծնվում Հայաստանում | Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից G7-ի երկրները կոչ են արել Բաքվին կատարել հումանիտար իրավունքի իր պարտավորությունները Նրանք նաև կոչ են արել Երևանին և Բաքվին հավատարիմ մնալ խաղաղ գործընթացին ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Լավրով․ ՀՀ-ն դեռ ինքը չի կարող որոշել ՀԱՊԿ պատասխանատվության գոտին իր տարածքում Նա ասել է, որ պետք է «նշել Հայաստանի սահմանները, ավարտել սահմանազատումը» |