Ազատության թևերն ու դաշնամուրի ստեղնաշարըՈւրբանիստական նախագծեր` նվիրված Հայաստանի անկախության 25 ամյակին Yerevan 2.0 քաղաքային ինկուբատորը մշակել է ուրբանիստական նախագծեր` նվիրված Հայաստանի Հանրապետության անկախության 25 ամյակին: 23 մայիսի 2016 PanARMENIAN.Net - Դրանցից կենտրոնականն ազատության խորհրդանիշ արտ ինստալացիան է` նվիրված Արցախի համար քառօրյա պատերազմում զոհված 90 հերոսի հիշատակին: Ամեն մի փետուր մի կյանք է` տրված հանուն ազատության: PanARMENIAN.Net ի հետ զրույցում Yerevan 2.0-ի համակարգող Գայանե Մանուկյանը նշեց, որ իրենց ներկայացրած առաջարկներով մի քանի խնդիր են փորձում լուծել: «Փորձում ենք մի խորհրդանշական, մնայուն բան ստեղծել քաղաքի համար, ինչպես նաև` բարեկարգել տարածքն ու մարդկանց համար նոր ու հետաքրքիր վայր ստեղծել: Մտածեցինք, որ վեր հառնող թևերի տեսքով արտ ինստալացիան հետաքրքիր կլինի. այն հնարավորություն կտա մարդկանց լուսանկարվել դրա դիմաց` զգալով թևերի ուժը մեջքի հետևում` ազատության, անկախության ուժը»,- նշեց Գայանեն` հավելելով, որ որքան շատանան լուսանկարվելու կետերը` Selfie location-ները, այդքան կմեծանա քաղաքի գրավչությունը նաև զբոսաշրջային առումով: Տեսքն ու վայրը Ազատության թևերի ինստալացիայի համար դեռևս վերջնական էսքիզ չկա: Հայտարարված է մրցույթ, որին կարող են մասնակցել բոլոր ցանկացողները: Հնարավոր տարբերակներից մեկն էլ Երևանի քաղաքապետարանի հետ համատեղ էսքիզների մշակումն է: Տեղակայման վայրն էլ դեռևս հստակ չէ: Մտահաղացման հեղինակները երկու տարբերակ են դիտարկում, սակայն բաց են նաև այլ առաջարկների համար: Առաջին տարբերակով արտ ինստալացիան կտեղադրվի Անգլիական այգում. «Այնտեղ մի կլոր թումբ կա, որի շուրջը ջուր է հոսում: Ցերեկն այն բավական մարդաշատ է, սակայն մութն ընկնելուն պես դառնում է բավական վտանգավոր վայր: Եթե այս նախագիծն իրականացվի, նաև շրջակա տարածքը կբարեկարգվի ու կլուսավորվի, և միաժամանակ մի քանի խնդիր կլուծենք»:
Լուսանկարը՝ SNKH Studio Երկրորդ տարբերակը` ինստալացիան տեղադրել Կարապի լճի կղզյակի վրա, որտեղ հիմա հսկայական գովազդային վահանակ է` լուսամփոփի տեսքով: Խոտածածկ ստեղնաշարը Yerevan 2.0-ի ներկայացրած ուրբանիստական հաջորդ նախագիծը ևս վերաբերում է Կարապի լճին:
Լուսանկարը՝ SNKH Studio «Այժմ այնտեղ արհեստական խոտից երաժշտական գործիքներ են: Այդ, այսպես կոչված, լանդշավտային լուծումն այդքան էլ գոհացնող չէ: Մենք մտածեցինք մի այնպիսի բան նախագծել, որն այդ տարածքին ավելի կսազի, ինչպես նաև չի աղավաղի դեպի Օպերայի և բալետի թատրոնի շենքը բացվող տեսարանը: Ցանկանում ենք բնական խոտից մարգագետին սարքել այդ վայրում` դաշնամուրի ստեղնաշարի տեսքով, իսկ կողքի հատվածում կլինի փոքրիկ ինքնաշխատ շատրվան, որի վրայով կարելի է քայլել, վազել, և այլն»:
Լուսանկարը՝ SNKH Studio Էկո տաղավարը
Լուսանկարը՝ SNKH Studio 3-րդ նախագիծը. պատկերացրեք` որքան շատ մարդ կգնա Բուսաբանական այգի, եթե այնտեղ հայտնվի արևային էներգիայով սնվող, բջջային հեռախոսներն ու պլանշետները լիցքավորող, անվճար wifi-ով, էկո տաղավար: Ըստ հեղինակների` սա ևս մեկ քայլ է Երևանը smart city դարձնելու ճանապարհին: Քրիստինե Քյուրքլյան/PanARMENIAN.Net Ամենաընթերցվողը բաժնում Ինչպես միանալ ոլորտի առաջատար միջազգային ընկերությանը Ինչպես է աշխարհը լուծում օրգանների փոխպատվաստման խնդիրը Արևմուտքի սանկցիաները խփում են նաև ռուսական դեղարտադրությանը Մարտի 8-ին՝ սթափության լրացուցիչ չափաբաժին Բաժնի այլ նյութերը Հեպատիտի նոր ենթատեսակը տարածվում է երեխաների շրջանում Ինչ է այն ու ինչպես պայքարել` հայտնի չէ Հայրենիքը՝ հեծանիվի դիմաց Ինչ արժե պետությանը դավաճանելը Յոթ որդու Բավական քույրը Տարեկան քանի՞ աղջիկ չի ծնվում Հայաստանում | Մատվիենկոն՝ Սիմոնյանի ելույթի մասին․ Չենք կարող անուշադրության մատնել նման հակառուսական հայտարարությունները Կարասինն ասել է, որ սխալ կլիներ անտեսել ելույթը, որը «համերշախություն է հայտնում Կիևի նացիստական ռեժիմի հետ» Բայդեն․ Հիշում ենք Հայոց ցեղասպանության ժամանակ կորսված կյանքերն ու վերահաստատում երբեք չմոռանալու մեր խոստումը «Մինչ մենք սգում ենք այս ողբերգությունը, մենք նաև պատվում ենք հայ ժողովրդի տոկունությունը»,–ասել է նա Լաքոտ. Եկեք լինենք ճշմարտության և արդարության կողմից Նա նշել է, որ Ապրիլի 24-ը Հայոց ցեղասպանության հիշատակի օրն է Աֆեյան․ Պետք է ավելին անենք, քան անցյալի ջարդերի ցավը սգալը՝ ժամանակն է քայլեր ձեռնարկել Քայլեր ձեռնարկելու կոչն ընդգծում է վայրագությունների նմանությունները, որոնք տեղի են ունեցել 109 տարի առաջ և կրկնվում են այսօր. |