// IP Marketing video - START// IP Marketing video - END
Ինչպես է ծերանում Հայաստանը

Ինչպես է ծերանում Հայաստանը

Անչափահասները պակասում են, թոշակի անցնողները՝ ավելանում

2001-2017 թվականներին, պաշտոնական վիճակագրության համաձայն, Հայաստանի բնակչությունը նվազել է 7%-ով՝ մոտ 3,2 մլն-ից հասնելով մինչև 2,98 մլն-ի։ Այսինքն, ամեն տարի ՀՀ բնակչությունը նվազել է միջինը 0,46%-ով։

PanARMENIAN.Net - Նվազման հետ մեկտեղ, սակայն, փոխվում է բնակչության տարիքային կազմը, ինչն ապագայում բեռ է դառնալու պետության համար ինչպես կենսաթոշակների ապահովման, այնպես էլ զինված ուժերի համալրման, հարկային եկամուտների քանակի և բազմաթիվ այլ առումներով։ PanARMENIAN.Net ը ներկայացնում է, թե ինչպես է փոխվել բնակչության տարիքային կազմը վերջին 15 տարում։

Բանաժանենք բնակչությունը 3 հիմնական խմբի՝ անչափահասներ, թոշակառուներ, աշխատունակ տարիքի մարդիկ։ 2001-2017 թվականներին անչափահասների թիվը մոտ 846.000-ից նվազել է մինչև 629.000-ի, թոշակառուներինը՝ 438.000-ից 394.000-ի։

Աշխատունակների կշիռը բնակչության մեջ 60%-ից աճել է մինչև 66%-ի, թոշակառուներինը՝ նվազել 14%-ից մինչև 13%-ի։ Սակայն կտրուկ՝ մոտ 5%-ով, անկում է գրանցել անչափահասների թիվը։ Այժմ նրանք բնակչության 21%-ն են 2001-ի 26%-ի դիմաց. նրանց թիվը 15 տարում նվազել է մոտ 217.000-ով։

Մոտակա 15 տարում թոշակի անցնողների թիվը, ընդհակառակը, աճելու է։ 50-59 տարեկանները 2001-2017 թվականներին ավելացել են 179.000-ով, այժմ նրանք բնակչության մոտ 13,9%-ն են 2001-ի մոտ 7,3%-ի դիմաց։ 2001-2017 թվականներին Հայաստանում 70-ից բարձր տարիք ունեցողների թիվն աճել է 1,4%-ով: Ազգային վիճակագրական ծառայության տվյալների համաձայն՝ եթե 2001-ին տարիքային այս խումբը կազմում էր երկրի ընդհանուր բնակչության 6%-ը, ապա 2017-ին այդ թիվը կազմել է մոտ 7,5%:

Բնակչության ընդհանուր թվի մեջ 1,1%-ով աճել են 60-ից բարձր, 6,6%-ով՝ 50-ից բարձր տարիքային խմբերը: 2001-2017 թվականներին բնակչության ընդհանուր թվի մեջ 0,2%-ով նվազել է 0-9 տարեկան երեխաների թիվը և 8,1%-ով 10-19 տարեկանների թիվը:

15 տարում մոտ 3%-ով աճել է նաև 20-40 տարեկանների թիվը:

Նանե Մանասյան / PanARMENIAN.Net
 Ամենաընթերցվողը բաժնում
Ինչ նոտայի վրա սկսվեց ու ավարտվեց Կոնսերվատորիայի աղմկոտ միջոցառումը
 Ուշադրության կենտրոնում
2 ՔԿՀ-ներում սննդի ապահովման նոր փորձնական ծրագիր է մեկնարկել

2 ՔԿՀ-ներում սննդի ապահովման նոր փորձնական ծրագիր է մեկնարկել «Նուբարաշեն»-ում պահվում է 367 անձ, «Արմավիր» ՔԿՀ-ում՝ 708-ը

 Բաժնի այլ նյութերը
«Աղբամանը դրիմ» Ինչպես անցավ նոր քաղաքապետի մեկ տարին
Չվիճարկված ընտրություններ, Մարտի 1-ի գործ ու ՃՏՊ-ներ Հանրային կյանքը՝ Փաշինյանի իշխանության 1 տարում
Եթե ցույցերը հավերժ լինեին, միշտ միասին կլինեինք Սիրո հեղափոխության ամենահեղափոխական սերը