Կոշիկի ազդեցությունն առողջության վրա. Ոտնաթաթից մինչև ողնաշարԿոշիկը կարող է զգալի ազդեցություն ունենալ ոտնաթաթերի վիճակի վրա` անդրադառնալով նաև մեր ինքնազգացողության վրա: Ոտնաթաթը կարևորագույն անատոմիական և ֆիզիոլոգիական համակարգ է, որն ազդեցություն ունի ամբողջ օրգանիզմի վրա: Ոտնաթաթի ճիշտ գործելուց է կախված ոտքերի, ողնաշարի, անոթների և ներքին օրգանների առողջությունը: Ուստի զարմանալի չէ, որ կոշիկը կարող է զգալի ազդեցություն ունենալ մեր ոտնաթաթերի վիճակի վրա` անդրադառնալով նաև մեր ինքնազգացողության վրա: 1 մարտի 2016 PanARMENIAN.Net - Բարձր կրունկ Բարձրակրունկ կոշիկը փոխում է ոտնաթաթի դիրքը և ամբողջ մարմնի քաշն ընկնում է ոչ թե նախագարշապարի ոսկրերի, այլ պճեղների առջևի մասի վրա: Արդյունքում արթրիտ է զարգանում, կարող են խեղվել նյարդային վերջույթները, միկրոճաքեր առաջանալ ոսկորներում: Պատահում է, որ բարձր կրունկը դառնում է նաև կոտրվածքների և վնասվածքների պատճառ: «Շպիլկա» Բարձր և բարակ կրունկով կոշիկները, որոնք հաճախ «շպիլկա» եմ անվանում, ստիպում են այն կրողին քայլել մատների վրա` մարմնի ամբողջ քաշը տեղափոխելով ավելի փխրուն ոսկորների վրա: Սխալ դիրքի պատճառով ոտնաթաթի և սրունքի մկանները մշտապես լարված են լինում` փորձելով պահապնել հավասարակշռությունը: Կոշտ հետնամաս Անհարմարություններից և կոշտուկներից բացի կոշտ hետնամասը հղի է նաև այլ հետևանքներով: Ճնշում գործադրելով մաշկի և աքիլեսյան գարշապարի միջև գտնվող սինովիալ պարկի վրա, նպաստում է որպես կրնկոսկրի բուրսիտ հայտնի հիվանդության զարգացմանը: Այն արտահայտվում է ոտնաթաթի շարժունակության սահմանափակմամբ, այտուցով և ցավերով հիվանդ հոդի շրջանում:
Կրունկով դասական կոշիկներ Կրունկով դասական կոշիկները, ոճի և նրբագեղության մարմնացում լինելով, նույնպես կարող են դառնալ ոտնաթաթի ձևախեղումների զարգացման պատճառ: Դա տեղի է ունենում նեղության պատճառով (խոսքն այդ թվում նաև տղամարդու կոշիկների մասին է): Նեղ կոշիկը նպաստում է արյան շրջանառության վատթարացմանը, նյարդային վերջույթների սեղմմանը և ոտքի մատների ձևախեղումներին: Ոտնաթաթում արյան շրջանառության վատթարացման պատճառով կարող է զարգանալ եղունգների սնկային հիվանդություն, տրոմբոֆլեբիտ, այտուցներ, վարիկոզ, ինչպես նաև բուրսիտ: Պլատֆորմով կոշիկներ Շատերը կարծում են, որ պլատֆորմով կոշիկներն ավելի կայուն են, քան բարձրակրունկները, և ունեն վերջինիս բոլոր առավելությունները, սակայն դա այդպես չէ: Պլատֆորմով կոշիկը թույլ չի տալիս ոտքին կրունկից դեպի մատները փոխել դիրքը, ինչը կարող է հանգեցնել արյան շրջանառության վատթարացման և նվազեցնում է ոտնաթաթի ռեսսորային հնարավորությունները, ինչն արթրոզի պատճառ կարող է դառնալ: Եթե պլատֆորմով կոշիկներում տարբերությունը մատների տակի ներբանի և կրունկի բարձրության միջև, մեծ է, ապա նրանց հատուկ են բարձրակրունկ կոշիկների բոլոր թերությունները: «Բալետկաներ» Բալետկաները ևս իդեալական չեն: Փափկության պատճառով դրանք չեն հենում ոտնաթաթը: Կոշիկների այս տեսակը մշտապես կրելու դեպքում կարող է զարգանալ ներբանային ապոնևրոզ, ինչը կարող է ներբանային ֆասցիիտի հանգեցնել, երբ վնասված հյուսվածքները չեն կարողանում պահել ոտնաթաթի կամարը: Իրավիճակը կարող է փոխվել անհատական ներբանների կիրառման դեպքում` հրաժարվելով նաև մշտապես բալետկաներ կրելու սովորությունից: Ոտքի չափին չհամապատասխանող կոշիկ Պարզվում է, որ խնդիրներ կարող է առաջացնել նաև կոշիկի ոչ ճիշտ ընտրված չափը: Արդյունքում ոտնաթաթում խնդիրներ են առաջանում արյան շրջանառության հետ կապված, բուրսիտներ, կոշտուկներ, արթրիտներ: Կոշիկը խորհուրդ է տրվում ընտրել երեկոյան ժամերին, նախապատվությունը տալով փափուկ, «շնչող» նյութերին: Մատները կոշիկի մեջ պետք է հավասար դիրքում լինեն, չսեղմվեն, ներբանը էլաստիկ լինի, իսկ կրունկի լավագույն բարձրությունը 1,4-4 սմ:
Հենաշարժողական ապարատի համար վնասակար է արագ անցումը սպորտային կոշիկից կրունկով կոշիկի և հակառակը: Մշտապես սպորտային կոշիկ կրելուց հետո, որը լավ ամորտիզատոր է և հավասար է բաշխում ծանրաբեռնվածությունը ոտնաթաթի ամբողջ մակերեսով, միանգամից բարձրակրունկի անցնելու դեպքում, որին ոտքը բոլորովին սովոր չէ, օրգանիզմը հայտնվում է սթրեսային վիճակում, որը համազոր է միջին աստիճանի վնասվածքի: Կարելի է ասել, որ բոլորովին անվնաս կոշիկ գոյություւն չունի: Նվազագույնի հասցնելու համար առողջությանը հասցվող վնասը, հարկավոր է հաջորդաբար տարբեր տեսակի կոշիկներ կրել, հատուկ մարմնամարզություն անել ոտքերի համար, ինչպես նաև հաճախակի ոտաբոբիկ զբոսնել խոտածածկ տարածքում: PanARMENIAN.Net / Tsets Ամենաընթերցվողը բաժնում Ինչպես միանալ ոլորտի առաջատար միջազգային ընկերությանը Ինչպես է աշխարհը լուծում օրգանների փոխպատվաստման խնդիրը Արևմուտքի սանկցիաները խփում են նաև ռուսական դեղարտադրությանը Մարտի 8-ին՝ սթափության լրացուցիչ չափաբաժին Բաժնի այլ նյութերը Հեպատիտի նոր ենթատեսակը տարածվում է երեխաների շրջանում Ինչ է այն ու ինչպես պայքարել` հայտնի չէ Հայրենիքը՝ հեծանիվի դիմաց Ինչ արժե պետությանը դավաճանելը Յոթ որդու Բավական քույրը Տարեկան քանի՞ աղջիկ չի ծնվում Հայաստանում | Կիրակոսյանը՝ Հաագայում․ ՄԱԿ ԱԽ-ն ու Եվրոպական դատարանը երբևէ չեն վճռել, որ ՀՀ-ն օկուպացրել է ԼՂ-ն Նա ներկայացրել է առարկություններն Ադրբեջանի ներկայացրած պահանջների նկատմամբ Հայաստան-Չեխիա ռազմատեխնիկական գործակցության մասով պայմանավորվածություններ կան ՊՆ էին այցելել չեխական ռազմարդյունաբերական ընկերությունների ներկայացուցիչներ Ըստ ԱԺԲ–ի՝ իրենց անդամներին բռնության են ենթարկել․ 96 բերման ենթարկված կա Նա ասել է, որ որ ոստիկանության բաժանմունքներում իրենց անդամները «ծեծի են ենթարկվել», կան տուժածներ Լեմկինի ինստիտուտի տնօրեն․ Ինչպես երիտթուրքերը, Ալիևը նույնպես ատելություն է տածում հայերի նկատմամբ Նրա հոդվածը հրապարակվել է Newsweek պարբերականում Հայոց ցեղասպանության 109-րդ տարելիցի համատեքստում |