Ինչպես է նորոգվելու ԱմբերդըՄիջնադարյան ամրոցի մուտքը վճարովի կդառնա Նախագահ Սերժ Սարգսյանի հանձնարարականով Ամբերդ միջնադարյան բերդ-ամրոցի վերականգնման, վերանորոգման և ենթակառուցվածքների ստեղծման նախագծերը մշակված են, մրցույթը հայտարարված է, արդյունքները՝ ամփոփված: Նախապատրաստական աշխատանքները նույնպես ավարտվել են, վերականգնումը մեկնարկել է ապրիլին։ PanARMENIAN.Net ը զրուցել է ՀՀ մշակույթի նախարար Արմեն Ամիրյանի հետ ամրոցի վերակագնման նախագծի, ընթացիկ աշխատանքների մասին: 4 ապրիլի 2018 PanARMENIAN.Net - 28,8 մլն դրամ՝ Ամբերդի վերականգնմանը «2016 թվականին` նախագահի հանձնարարականը ստանալուց հետո, նախաձեռնեցինք ամրոցի ենթակառուցվածքների նախագծման աշխատանքները: Հայտարարված մրցույթը հաղթել է «Սասունասար» ՍՊԸ-ն, որի հետ նախքան բուն շինարարության փուլին անցնելը, իրականացվել են նախապատրաստական աշխատանքներ. արդեն պատրաստ են ամրոցի տարածքում տեղադրվելիք նստարանները, բազրիքները, ճաղավանդակները», - ասաց նախարարը՝ հավելելով, որ նախագծի կյանքի կոչմանը կհատկացվի 28,8 մլն դրամ: Կկառուցվեն դեպի բերդ տանող սալահատակ ճանապարհներ, որոնք համահունչ կլինեն միջնադարյան շինության պատմական շնչին: Կընդլայնվեն կանաչ տարածությունները, կտեղադրվեն ճաղավանդակներ, որոնց վրա կլինեն ամրոցը հիմնադրած միջնադարյան իշխանական տան՝ Վաչուտյանների զինանշանը: Բերդը կունենա լուսային ձևավորում:
Ենթակառուցվածքների բարելավման նախագծի իրականացումը կավարտվի 2018-ին, և մինչև ամառ՝ զբոսաշրջության ամենաթեժ շրջան, Ամբերդը պատրաստ կլինի նորովի ընդունել իր այցելուներին: Ամբերդը՝ զբոսաշրջային և մշակութային ինքնատիպ հարթակ Զբոսաշրջիկներին առաջարկվելու է յուրօրինակ երթուղի, որը կկապի Բյուրականի աստղադիտարանը, Աղձքի արքայական դամբարանը և Ամբերդը: «Աստղադիտարանում երեկոն անցկացնելուց հետո զբոսաշրջիկը հաջորդ օրը կարող է այցելել Արշակունի հայոց արքաների դամբարան և ավարտել իր ուղին Ամբերդում, որտեղ նախատեսվում է յուրաքանչյուր շաբաթ կամ կիրակի օրերին մշակութային իրադարձություններ, համերգներ, հանդիսություններ կազմակերպել», -նշեց Ամիրյանը: Հարթակը նախատեսված է լինելու բացառապես մշակութային միջոցառումների կազմակերպման համար: Միջոցառումների համար բերդին հարակից Վահրամաշեն եկեղեցու մոտակայքում բացօթյա հարթակ կկառուցվի, կգործի հուշանվերների խանութ: Կվերանորոգվի նաև ամրոցի տարածքում գործող սանհանգույցը:
Լուսավորության սյուների վերևում տեղադրված են լինելու արևային վահանակներ: Դրանց վրա կլինեն նաև զինանաշանների պաստառները: Ապագայում իրականցվելու են բերդի ամրակայման աշխատանքներ «Նախարարությունն արդեն իսկ բերդի ամրակայման նախագիծ է պատվիրել: Այն ունենալուց անմիջապես հետո կտրվի նաև ամրակայման աշխատանքների մեկնարկը: Նախագիծը պատրաստ կլինի 2018-ին, որից հետո կհայտարարվի շինարարական աշխատանքների մրցույթ», - նշեց նախարարը: Ամբերդը դառնում է վճարովի հուշարձան Մուտքը հուշարձանի տարածք կլինի տոմսով: «Տոմսերից գոյացած գումարը կուղղվի տարածքի մաքրության պահպանմանը, այցելուների սպասարկմանը: Հուշարձանն առաջարկելու է այցելուներին նաև զբոսավարի ծառայություն», - ասաց մշակույթի նախարարը: Նա վստահ է, որ կատարվող աշխատանքների արդյունքում հուշարձան այցելությունները զգալիորեն աճելու են: Ենթադրվում է, որ այս զբոսաշրջային սեզոնին Ամբերդի այցելուների թիվը կհասնի 200.000-ի: Նանե Մանասյան / PanARMENIAN.Net Ամենաընթերցվողը բաժնում Ի՞նչ է պլանավորում անել Netflix-ը՝ բաժանորդներին վերադարձնելու համար «Երեք շիշ գինի»՝ նոր ձևաչափ առանց սահմանների Վանդալիզմի զոհ դարձած արվեստի ամենահայտնի գործերը Dalma Garden Mall-ի ծրագրերն ու շոփինգի մշակույթը Բաժնի այլ նյութերը Ձև ու ծավալ ստացած Ազնավուրյան մեղեդին Բացվել է քանդակագործ Մկրտիչ Մազմանյանի ինտերակտիվ ցուցահանդեսը Արվեստի աշխարհում ամենաազդեցիկ հայկական ազգանունը Գագոսյանի ճանապարհը՝ հոլիվուդյան ֆիլմի մոտիվներով Դեգան, Սարյանն ու Ուրարտուն Մշակութային յուրացում՝ մեծերի թեթև ձեռքով | Ալիև․ Սահմանազատումը մեր պայմաններով անցկացնելը մեր հերթական հաղթանակն է՝ 4 գյուղ ենք ստանում առանց մի կրակոցի Նա այդ մասին ասել է օկուպացված Շուշիում Սամվել Բաբայան․ Փաշինյանը վաղուց պետք է հրաժարական տար Բաբայանի խոսքով՝ գլոբալ, ռազմավարական պետք է որոշվի՝ ինչ ենք անում, որն է մեր նպատակը Համաշխարհային բանկը կաջակցի ՀՀ անտառների, ջրաճահճային տարածքների ու լանդշաֆտների վերականգնմանը Ծրագրի նպատակն է ընդլայնել կայուն կառավարման ներքո գտնվող տարածքները ՀՀ-ն ու Իսպանիան կգործակցեն սպորտի ոլորտում․ Հուշագիր է ստորագրվել Կողմերը կհամագործակցեն նաև մասնագետների, տեխնիկական անձնակազմի և փորձագետների փոխանակման շրջանակում |