Եվա Մեձորյան. Ադրբեջանցիները, որոնք հրկիզում էին մեր տները և սպանում խաղաղ բնակիչներին, ԱՄՆ-ում մեզ էին ահաբեկիչներ անվանումՂարաբաղի ազատագրական պայքարի տարիներին Եվա Մեձորյանը պատերազմի մասին պատմող մի քանի փաստագրական ֆիլմ է պատրաստել Ղարաբաղա-ադրբեջանական հակամարտությունը սկսվեց 1988-ին: Ի պատասխան Ղարաբաղի հայերի խաղաղ պահանջների, որոնք կազմում էին Լեռնային Ղարաբաղի ինքնավար մարզի (ԼՂԻՄ) բնակչության 80 տոկոսը, Ադրբեջանն ագրեսիա հրահրեց խաղաղ բնակչության նկատմամբ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ Պաշտպանության բանակը ստեղծեց նաև անվտանգության գոտի ԼՂՀ շուրջ, որը ներառում էր 7 շրջաններ: Սակայն այդ ժամանակ հակամարտության գոտուց դուրս ընթանում էր այլ պատերազմ` գաղափարական: 10 մայիսի 2010 PanARMENIAN.Net - «Ադրբեջանցիները, որոնք հրկիզում էին մեր տները և սպանում խաղաղ բնակիչներին, ԱՄՆ-ում մեզ էին ահաբեկիչներ անվանում`բոլոր անկյուններից աղաղակելով ամերիկացիների ականջի համար սովորական դարձած «Armenian Terrorists» արտահայտությունը»,- պատմում է այդ դեպքերի ականատես, հայազգի ամերիկյան երգչուհի, The Jack and Eva Medzorian Foundation բարեգործական հիմնադրամի ղեկավար Եվա Մեձորյանը: Ղարաբաղյան պատերազմի տարիներին այս կինը որոշել է արդարություն հաստատել. «Ես փնտրում էի պատերազմի մասին պատմող փաստագրական ֆիլմեր, սակայն չգտա դրանք»: Այդ ժամանակ նա ինքն է որոշել ստեղծել պատերազմի իրական դեպքերը ցույց տվող փաստագրական ֆիլմ, հավաքել է թիմ և մեկնել Հայաստան: «1990-1992թթ. ծայահեղ ծանր ժամանակներ էին Հայաստանի համար: Ղարաբաղյան պատերազմի ժամանակ տեղի էին ունենում սարսափելի իրադարձություններ, իսկ աշխարհը նույնիսկ չգիտեր այդ մասին: Ես եղել եմ Գորիսում, Գետաշենում, հանդիպել եմ կամավորական զինվորների և սպաների հետ ու երկու ֆիլմերի համար նյութ եմ հավաքել»,- պատմեց Եվա Մեձորյանն ու ավելացրեց. «Ես սարսափելի բաներ եմ տեսել, և ավելի ահավոր մանրամասներ եմ իմացել ականատեսների պատմություններից և ադրբեջանցիների վայրագությունների զոհերից: Սկզբից մարդիկ չեն ցանկանում պատմել այն փորձությունների մասին, որոնց միջով անցել էին: Նրանք անհանգստանում էին իմ հոգեվիճակի համար: Սակայն ես ասացի նրանց, որ իմ ծնողները փրկվել են Հայոց ցեղասպանությունից և ես գիտեմ այդ հրեշավոր իրադարձությունների մանրամասները, ուստի ինձ ոչնչով չի կարելի վախեցնել: Բայց շուտով հասկացա. այն, ինչ ապրել են այդ մարդիկ, ևս մի ցեղասպանություն է եղել, և ադրբեջանցիները կիրառել են նույն մեթոդները, ինչ տասնյակ տարիներ առաջ թուրքերը` կեղեքելով հայ բնակչությանը»: Եվա Մեձորյանը ճիշտ էր. ֆիլմում կան կադրեր, որոնք իրոք կարող են խաթարել մարդու հոգեկան աշխարհը. «Բայց ես իմ մեջ ուժ գտա, որպեսզի հավաքեմ այդ նյութերը և բացեմ մարդկանց աչքերը, որոնք հայերին ահաբեկիչներ էին կարծում: Միևնույն ժամանակ ես խոստացել եմ այդ մարդկանց, ելնելով էթիկական նկատառումներից, երբեք ցույց չտալ այդ ֆիլմերը Հայաստանում. պատմությունները շատ անձնական էին»: Նա պատմեց նաև, որ այդ թեմայով զրուցել է պրոֆեսորներ Գրեգորի Ադամյանի, Դենիս Փափազյանի հետ, և այդ զրույցները ևս երկու ֆիլմերի հիմք են դարձել: Սակայն, դրանով պայքարը չի ավարտվել. «Ինձ մեծ դժվարությամբ հաջողվեց կազմակերպել ֆիլմերի ցուցադրումն ԱՄՆ-ում: Մարդիկ դիտավորյալ չէին ցանկանում տեսնել այն, ինչ տեղի էր ունենում իրենց աչքի առաջ: Սակայն ես հասա իմ ուզածին. իմ ֆիլմերը դիտեցին ԱՄՆ կառավարության ներկայացուցիչները: Նրանք իրենց աչքերով տեսան այն, ինչ տեղի էր ունեցել մեր երկրում»: Դա փոքր հաղթանակ էր կնոջ համար, որը պայքարում է ճշմարտության համար, այն ամենի օբյեկտիվ պատկերացման համար, ինչը տեղի է ունեցել հայերի հետ: Այդ մասին պատմում են նրա «Ճգնաժամը Հայաստանում», «Ղարաբաղի վկան», ինչպես նաև «Լեռնային Ղարաբաղ. Մարդու իրավունքների որոնումներում» և «Հայաստանի կենաց պայքարը: Փախստականներ» ֆիլմերը: «Ես կարծում էի, որ այն բանից հետո, երբ մարդիկ կտեսնեն հայկական հողում իշխող ողջ սարսափը, ինչ-որ բան կփոխվի նրանց գիտակցության և վարքի մեջ: Սակայն դրա փոխարեն ԱՄՆ կառավարությունն ուղղակի շնորհակալություն ասաց ինձ կատարած աշխատանքի համար և փորձեց հնարավորինս շուտ մոռանալ այդ մասին»,- ասել է Եվա Մեձորյանը: Մանե Ամիրջանյան Ամենաընթերցվողը բաժնում Ինչպես միանալ ոլորտի առաջատար միջազգային ընկերությանը Ինչպես է աշխարհը լուծում օրգանների փոխպատվաստման խնդիրը Արևմուտքի սանկցիաները խփում են նաև ռուսական դեղարտադրությանը Մարտի 8-ին՝ սթափության լրացուցիչ չափաբաժին Բաժնի այլ նյութերը Հեպատիտի նոր ենթատեսակը տարածվում է երեխաների շրջանում Ինչ է այն ու ինչպես պայքարել` հայտնի չէ Հայրենիքը՝ հեծանիվի դիմաց Ինչ արժե պետությանը դավաճանելը Յոթ որդու Բավական քույրը Տարեկան քանի՞ աղջիկ չի ծնվում Հայաստանում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |